Koronavirus
Jis puáccááh vuoiŋâmuáli-infektion
- Läivis koronavirusinfektio tipšoo siämmáá náálá ko táválâš lenccu.
- Jis almolâš vajo hiäijun tâi tavdâmeerhah láá tuođâliih, lii tehálâš väldiđ ohtâvuođâ tiervâsvuođâhuolâttâsân, tegu ain eres-uv puáccáámij tiet.
- Riskâjuávhoid kullee ulmuid lii tehálâš väldiđ vyeligis šiälmáin ohtâvuođâ jieijâs tiervâsvuođâhuolâttâsân. Riskâjuávhoid kullee ulmuin koronatavdâmeerhâi tipšomân lii máhđulâš algâttiđ táárbu mield talhâstipšom.
- Argâelimân puáhtá maccâđ, ko kumeštâs lii lappum já tavdâmeerhah láá čielgâsávt kiäppánâm.
- Monnjânuárvui tâi -kuorsâttâs puáhtá jotkuđ kuhháá-uv, ijge tot eesti maccâmist ovdâmerkkân paargon, škoovlân já peivikiäčun.
- Veikâ perrust ličij koronanjuámmum, eres perruujesâneh pyehtih moonnâđ táválávt ovdâmerkkân paargon, škoovlân, peivikiäčun já astoäigitoimáid, jis sist alnestis iä lah tavdâmeerhah.
Puávtáh moonnâđ koronavirusiskosân, jis
- kuulah tuođâlii koronavirustaavdâ riskâjuávhoid
- kuulah Paxlovid-talhâstipšom čuosâttâhjuávkun
- tust lii miinii eres toppâlumriskâtahheid, mii toovvât vaarâ tuođâlâš koronavirustaavdân tâi
- tiervâsvuođâhuolâttâs áámmátolmooš avžuut iskos toohâm.
THL: Tuođâlii koronavirustaavdâ riskâjuávhuh (suomâkielân)
THL: Koronavirus já herkkivuotâ finniđ toppâluumijd (suomâkielân)
Laapi pyereestvaijeemkuávlu: Kuulâm-uv mun Paxlovid-talhâstipšom pirrâdâhân? (suomâkielân)
Muátusyeje kevttim
Sosiaal- já tiervâsvuođâhuolâttâsâst ášástâldijn avžuutteh kevttiđ kirurglii njälmi-njunesyeje pyeccei, äššigâsâi já pargovievâ suojâlem tiet, jis tust lii vuoiŋâmuáli-infektio.
Mudoi njälmi-njunesyeje puáhtá kevttiđ jieijâs árvuštâllâm mield. Muátumaski iästá kuáškánjâsâid leevvânmist pirrâsân. Ko kiävtáh muátumaski, suoijiih iärásijd njuámmumist.