Patologia spesialsyergist mij tutkâp kođos- já sellâčájánâsâid sehe toohâp talhâstieđâlijd rumâšlekkâmijd.
Patologia laboratorio tipšompargeeh kieđâvušeh já päinih puáttee kođos- já sellâčájánâsâid. Pyecceiviäsusellâbiolog västid laboratorio teknisii já kvaliteetlii joođeetmist. Patolog totká pyeccest valdum kođos- tâi sellâčájánâs, taha diagnoos já addel tutkâmkávnusist čálálii ciälkkámuš tipšoo tuáhtárân. Pyeccee tipšoo tuáhtár muštâl tutkâmpuátusijn pyeccei.
Obduktioteknikkár já patolog toohâv jáámmám ulmui talhâstieđâlijd rumâšlekkâmijd. Mij toohâp talhâstieđâlijd rumâšlekkâmijd pyeccee tipšom tuáhtár pivdemist já omâhái luvvijn. Talhâstieđâlii rumâšlekkâm mittomeeri lii čielgâdiđ jäämmimsuujâ sehe eres máhđulijd taavdâid. Mij vuolgâttep pyeccee tipšom tuáhtárân rumâšlekkâmpevdikirje, já omâhááh pyehtih koijâdiđ sust jäämmimsuujâ.
Riehtitalhâstieđâliih jäämmimsuijâtutkâmušah tahhojeh Tiervâsvuođâ já pyereestvaijeem lájádâs (Terveyden ja hyvinvoinnin laitos, THL) Tave-Suomâ toimâsaajeest Oulust. Tot tahhoo talle, ko ij lah tiäđust ete puácuvuotâ ličij tovâttâm jäämmim tâi jäämmim suijân láá lamaš om. täpitorme, tipšomtoimâ tâi jäämmim lii mudoi tábáhtum olâtteijeht. Riehtitalhâstieđâlâš jäämmimsuijâtutkâmušân ij tarbâšuu omâhái miettâm, ko tot tahhoo virgeomâhái miärádâsâst.
Tuu tipšoo tuáhtár meerrid, tarbâšuvvoo-uv tuu puácuvuođâ suujâ čielgâdmân kođos- tâi sellâčájánâs. Tipšoo tuáhtár meerrid meiddei, kuás puácuvuotân jáámmám pyeccei tahhoo talhâstieđâlâš jäämmimsuijâtutkâmuš.
Uážuh ohtâvuođâ patologia ohtâdâhân puhelimáin argâpeeivij.
Jämmee čäittimääigi já viežžâm puáhtá sooppâđ muuneeld puhelimáin patologia uásádâhčällein.
Puávtáh leđe ohtâvuođâst patologia ohtâdâhân meid šleđgâpoostâin patologia.lks@lapha.fi
Tun uážuh ohtâvuođâ patologia uásáduv uásádâhtipšoi já kanslian puhelimáin argâpeeivij.
Mij tutkâp patologia uásáduvâst kođos- já sellâčájánâsâid já toohâp talhâstieđâlijd rumâšlekkâmijd.
Patologia ohtâdâh lii Laapi kuávdášpyecceiviäsu 0-keerdist.
Patologia ohtâduvâst mij tutkâp kođos- já sellâčájánâsâid sehe toohâp talhâstieđâlijd rumâšlekkâmijd.
Ounasrinteentie 22 96400 ROVANIEMI
Patologia laboratoriovisteh láá E-uásist 2. keerdist. Jämmei siäiludem já kappel láá teknisii uásáduv uásist 1. keerdist.
Patologia uásáduvâst ij lah kocceemtoimâm.
Kauppakatu 25 94100 KEMI