Koronavirus
Jõs puâccjak vuõiŋŋâmorgaaninfektiooʹje
- Lääiʹves koronavirusinfektio hoiʹddjet seämmanalla ko takai fluuns.
- Jõs takaivââjjmõš huânnan leʹbe lie tuõttšõs oudldõõzz, âlgg leeʹd õhttvuõđâst tiõrvâsvuõtthuõllu, mâʹte pâi teʹl, ko puâccai.
- Riskkjooukid kuulli oummuin kaʹnnat leeʹd vueʹllǥaž kõddsin õhttvuõđâst jiijjâz tiõrvâsvuõtthuõllu. Riskkjouʹǩǩe kuulli oummuin lij vueiʹtlvaž altteed taarb mieʹldd taalkâshååid koronaoudldõõzzi hoiddu.
- Aʹrǧǧe vuäitt mäʹcced, ko žaar lij meädda da oudldõõzz lie čiõlggsânji ǩeäppnam.
- Mâʹŋŋ-nuõpp leʹbe -koss vuäitt juätkkjed kuuʹǩǩ, ij-ǥa tõt cõõgg mäccmõõžž ouddmiârkkân tuõjju, škoouʹle leʹbe peiʹvvpõʹrtte.
- Håʹt piârrjest leʹčči koronanjuämmam, vuäiʹtte jeeʹres piârri vuäzzla mõõnnâd takainalla ouddmiârkkân tuõjju, škoouʹle, peiʹvvpõʹrtte da staarjõõzzid, jõs sij jiijj lie oudldõõzzteeʹm.
Vuäitak ooʒʒõõttâd koronavirusteʹsttjummša, jõs
- kuulak tuõttšõs koronavirustaaud riskkjooukid
- kuulak Paxlovid-taalkâshååid täävtõsjouʹǩǩe
- tuʹst lij måtam jeeʹres tâppjemriskktuejjeeja, koon diõtt jåudd tuõttšõs koronavirustaaud njuämmamvaar vuâlla leʹbe
- tiõrvâsvuõtthuâl ämmatneǩ siâzztââll teʹsttjummuž.
THL: Tuõttšõs koronavirustaaud riskkjoouk (lääddas)
THL: Koronavirus da tâppjemhieʹlǩǩvuõtt (lääddas)
Lappi pueʹrrvââjjamvuʹvdd: Kuulam-a Paxlovid-taalkâshååid sizz? (lääddas)
Muâttmaask âânnmõš
Ko äʹššeet sosiaal- da tiõrvâsvuõtthuâlast, siâzztõõlât, što ââʹnet kiruurǥlaž njäʹlmm-njuuʹnnsuej puõccji, äʹššniiʹǩǩi da tuâjjlažkååʹdd suejjeem diõtt, jõs puõʒʒak vuõiŋŋâmorgaaninfektio.
Muđoi njäʹlmm-njuuʹnnsuej vuäitt ââʹnned tuʹmmjõõzzâs mieʹldd. Muâttmaskk câgg kuåškknjõõzzi leävvnummuž pirrõʹsse. Ko âânak muâttmaask, suejjääk jeärrsid njuämmʼmõõžžâst.